Política de privacidade de Turnia

Ningún. Nin teus nin do uso que fas da aplicación. Non hai contas, non hai rexistro e non hai analítica.

Non é unha promesa que teñas que crernos: Turnia non pide o permiso de acceso a Internet. Podes comprobalo na ficha da aplicación, nos axustes do teu teléfono. Sen ese permiso, a aplicación non pode enviar información a ningunha parte aínda que quixese.

O teu cadro de quendas, os teus turnos e os importes que introduzas para calcular as túas horas gárdanse no almacenamento privado da aplicación, dentro do teu teléfono. Nin nós nin ningunha outra aplicación podemos lelos.

Se exportas unha copia, o ficheiro vai onde ti lle digas a través do selector do sistema. A partir de aí é teu, e o que lle pase depende de onde o gardes.

Notificacións e alarmas exactas: para avisarte antes de que empece a túa quenda, á hora que configuraches.

Aviso a pantalla completa: para que a alarma apareza sobre a pantalla de bloqueo e poidas paraala sen desbloquear o teléfono.

Servizo en primeiro plano: para que a alarma siga soando ata que a pares, en vez de cortarse cando se apaga a pantalla.

Vibración: para que a alarma tamén se note.

Arranque do dispositivo: para volver programar as túas alarmas despois de reiniciar o teléfono. Sen isto, reinicialo deixaríate sen alarmas sen que o souberas.

Turnia non pide a túa localización, os teus contactos, a túa cámara, o teu micrófono nin os teus ficheiros.

Non hai anuncios na aplicación, e polo tanto tampouco identificadores publicitarios nin elaboración de perfís. Non hai ferramentas de medición de terceiros de ningún tipo.

Desinstala a aplicación. Non queda nada en ningunha parte, porque nunca saíu do teu teléfono. Se queres conservar o teu cadro antes de desinstalar, expórtao desde Axustes.

Turnia non está dirixida a menores de 13 anos, e non recolle datos de ninguén, de ningunha idade.

Se algunha vez a aplicación empezase a recoller datos —por exemplo, se se engadise publicidade—, esta política actualizarase antes de publicar esa versión, e a data de arriba dirao.